الشروط والأحكام

• تدخل بإيميلك برمز يوصلك عليه، وأول دخول ينشئ حسابك. حماية إيميلك مسؤوليتك — اللي يدخل إيميلك يقدر يدخل حسابك.
• لا تشارك رمز الدخول ولا كود التسليم مع أي أحد.
• تغيير إيميل الحساب يكون عن طريق الدعم فقط، بعد ما نتحقق إنك صاحب الحساب.

• كل طلب له كود تسليم يوصلك من المتجر، وتضيفه لحسابك برقم الطلب مرة وحدة.
• كود التسليم استخدام واحد: أول ما ينضاف لحساب يصير الطلب له للأبد، وما ينضاف لأي حساب ثاني.
• بعد الإضافة تلقى طلبك في «طلباتي» أي وقت بدون الكود.

• نجهّز حسابك بعد ما تضيف طلبك — عادةً من ساعة إلى 24 ساعة — وتوصلك بياناته في «طلباتي».
• غيّر بيانات الحساب بعد الاستلام مباشرة حسب الشرح، وحافظ عليها.

• البكج يُسلَّم فوراً أول ما تضيف كوده، وتلقى ألعابه في «طلباتي».
• حسابات البكج مشتركة بين كل المشترين: يُمنع تغيير أي بيانات فيها (الإيميل، الباسوورد، أو الإعدادات)، لأن التغيير يقفل الحساب على الكل.
• مخالفة هالشرط تعرّض حسابك في الموقع للإيقاف.

الإلغاء والاسترجاع حسب سياسة متجر Lua Play على سلة. لما يتم استرجاع طلب، ينلغي كود التسليم والطلب، ويختفي محتواه من حسابك.

• يُمنع تخمين الأكواد، أو محاولة فتح طلبات غيرك، أو أي محاولة لاختراق الموقع أو تعطيله.
• يُمنع إعادة بيع المنتجات أو مشاركة بياناتها بشكل يضر بالمتجر أو بالمشترين الثانيين.
• نقدر نوقف أي حساب يخالف هالشروط. الطلبات اللي فيه تبقى محفوظة.

نسعى إن الموقع يشتغل طول الوقت، وممكن يتوقف مؤقتاً للصيانة أو لظروف خارجة عن إرادتنا.

لو عدّلنا الشروط نحدّث تاريخ «آخر تحديث» فوق، واستمرارك في استخدام الموقع بعدها يعني موافقتك عليها.

تخضع هذي الشروط لأنظمة المملكة العربية السعودية.